4 ف 6 <<< شوفو شوصار عقب الغرام

استعرض الموضوع السابق استعرض الموضوع التالي اذهب الى الأسفل

4 ف 6 <<< شوفو شوصار عقب الغرام

مُساهمة من طرف روح تراك بلا ضمير في الجمعة يوليو 25, 2008 4:45 pm



ثلاث سنين انا اخطط لهذا اليوم يا بو سعود
تيسّر حالي و جاهز اوفّي وعدي بوقته


و فجأه جتني تتعذر .. تقول تأخَرَت لوعود
و انا مستغرب و اسمع كأني وعدها خنته !!


حسبت انها تمازحني و تتصنع جفا و صدود
ضحكت بوجهها من قلب.. مع انْها بايخه النكته


و قالت ارضى بالواقع .. قلبي ماهو المعهود
تغير كل شي صوبك .. نصيبي ما اظن انته !!


كنت ف يوم محبوبي و لكن ما اظن نعود
وصل من قبل ما توصل .. و انا ذاك الصبر عفته


و لكن تكفى صدقني و يشهد ربي المعبود
ترى ما خنتك بغفله .. ولا كلمته و شفته


صراحه اهلي قالوا لي بأنه ولد اصل و جود
و جتني امه بالصوره .. و بكلمات المدح اخته


سكت و قلت هي فرصه مدام الجود في الموجود
و قالوا كل من حولي علامات الرضا سكته


و انا فكرت دام امه و اخته ما عليهم زود
اكيد اني براضيهم اذا وافقت و اخترته




و اراضي اهلي و اخواني مدام ان الفرح مقصود
عطيت الناس انا كلمه ومعاهم وقتي حددته


و لا اقدر اغيرها .. ترى عند العرب منقود
اوافق و اعتذر باجر و اقول الراي غيرته !


تبي تشرح لي المنقود .. تصدق عاد يا بو سعود؟
تبيني اقتنع و ارضى بحال ٍ عمري ما عشته


انا ماني بقايلها .. عسى يفرش ثراها ورود
بعد ما حطمت قلبي و طعم الموت جربته


عسى بفستانها اشواك .. و في ثوبه عقارب سود
و نار ٍ تحرق الكوشه و تحرق بيتهم حتى


و موت بليلة الدخله يبرد حرتي يا كود
ولا احس انها بحضنه يلامس خد لامسته


علي اهون اذا ماتوا ولا بنفس السرير رقود
ترى صعب ٍ علي اتخيل اللي ما تخيلته


عسى قاع الثرى يقسى و يتحول صخر جلمود
و حفار القبر يرفض يسوي فوق مقدرته


ترى دفنة عديم الذات تلوع حتى كبد الدود
و من خان العهود و مات تعافه حتى مقبرته


عسى ربي يجازيهم بحبل ٍ من مسد ممدود
يعلقهم من اطرافه و فوقه نار ٍ و تحته




انا ماني حقود و شين ولاني من نسل نمرود
ومن حط نفسه بوضعي بيقول اللي انا قلته


مدام الفعل له ردة فعل والله ابشري بردود
بدعي دامني حي ٍ و بغرس للدعا نبته


و بسقيها نزيف القلب و دمع ٍ ما رحم لخدود
و تكبر و الثمر ثاري من اللي خانني و صنته


انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته


و اردد للي يسمعني .. اذا حبيت ( حط حدود )
انا حبيت دون حدود و شوف اللي تكبدته


ثلاث سنين انا ابني و جت ( صوره ) بكل برود
خذت مني شقى عمري و حلم ٍ ( قلت ) حققته !!!


ثلاث سنين انا اخطط لهذا اليوم يا بو سعود
وتوافق من كلام اخته .. و صوره ( 4 ف 6 )

اترومين تسمعونها عندي اياها ... هذا اذا تبونها .. حاظرين و الطلب رخيص

avatar
روح تراك بلا ضمير
عضو على طريق الابداع
عضو على طريق الابداع

انثى عدد الرسائل : 460
العمر : 25
العمل/الترفيه : طيب و لا اعرف الخيانه
المزاج : فـديـتـنـي
رقم العضوية : 8
SMS : لا للحب في زمن ضاعت فيه المفاهيم
المزاج :
   :
تاريخ التسجيل : 20/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 4 ف 6 <<< شوفو شوصار عقب الغرام

مُساهمة من طرف عثـ وبث ـل في السبت يوليو 26, 2008 4:43 pm


انا نذرٍ علي اكتب و افجر هالقصيد رعود
و اسمّع كل بشر صوتي عجبته ولا زعلته



سلامي ع القصيدة الطرر ..~

هيه اكيد اباها < هع ..~

صح السان من قالها ولا هان منطوقه ..~

يعطيج العافيه ع النقل الفنتوكي ..~

لا هنتي السآأإع ..~

^.^
avatar
عثـ وبث ـل
عضو على طريق الابداع
عضو على طريق الابداع

انثى عدد الرسائل : 356
العمر : 28
العمل/الترفيه : stil ~ lonly
المزاج : ~.. دلـٍـٍـ،ع ..}~
رقم العضوية : 3
SMS : وٍآنٍ تِخٍلّے عُنٍيًے حِبُيًبُيًے ~ آتِرٍگـہ مٍَرٍَفٍوٍعُـہ آلرٍآسِ }
گليًے شُمٍَوٍخٍــ } .. !
المزاج :
   :
تاريخ التسجيل : 18/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

رد: 4 ف 6 <<< شوفو شوصار عقب الغرام

مُساهمة من طرف روح تراك بلا ضمير في الخميس أغسطس 07, 2008 5:35 pm

و اضربلج تحيه فديتج ع الرد الحلوو يا حلوو خخخ ... تسلميلي
avatar
روح تراك بلا ضمير
عضو على طريق الابداع
عضو على طريق الابداع

انثى عدد الرسائل : 460
العمر : 25
العمل/الترفيه : طيب و لا اعرف الخيانه
المزاج : فـديـتـنـي
رقم العضوية : 8
SMS : لا للحب في زمن ضاعت فيه المفاهيم
المزاج :
   :
تاريخ التسجيل : 20/07/2008

معاينة صفحة البيانات الشخصي للعضو

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى