الايــــمـــــل << اهداء

الإيميل

تعلمتي على الإيميل و عندج عالمسنجر ناس
حلفتي لي صديقاتك .. و ياما كذّب الحالف

صدفه ساقها ربي و بلا قصد ٍ عرفت الـ Pass
فتحته و شفت كم صوره معاهم كم رقم هاتف

انا وش ذنبي يوم اني عطيتك صادق الإحساس؟
لعبتي فيه و ما صنتيه بكذب احساسك الزايف

ترى عرق اللذي مثلج و لو طال الزمن دساس
و اذا فيك الغدر مذهب .. ترى مسموحه ما يخالف

عرفته مذهب امثالك و كل شي راجع ٍ للساس
و انا ما عاد يعنيني .. غرامج صار شي سالف

طفح قدرك من الزحمه .. طلع ما فيه بلا ملاس
فضح امرك غباء و طيش و قلبي صار بك عارف

فضيحه ذوقك الواطي .. محتفظه بصور ( نسناس ) ؟!
عمى يعميك يا فلانه .. على الصوره تراه صارف

قعد يومين يتكشخ و على كرسي المصور خاس
رتوش و رسم لعيونه و خشم لويهه مخالف

و صورة ذاك المعضّل مصور لك بدون لباس
صحيح اللي اختشوا ماتوا.. فقدته ذوقك التالف

قوية عين ما تخيلين و لا تحشمين عالي الراس
قليلة اصل من يومك .. انا الغلطان انا عارف

لكن والله ما ارجع .. قدرك تحت رجلي انداس
بعد ما خنتي الباقي و بدلتيه بالذالف

عيشي اليوم ندمانه و ذوقي الهم و الوسواس
و انا غيرك بيوفي لي و يضمّد جرحي النازف

بكمل لك بعد ساعه .. متأخر و عندي Class
اذا في وقت تنتظرين .. على الإيميل بنتشاوف

و اذا مشغوله لك عذرك .. عندك دوري عندك كاس
مثل جدر الهريس اصبحتي .. كل من يغرف و طايف

رخيصه و بيزه ما تسوين .. و حبك قمة الإفلاس
و من مثلي رفيع الشان حرام وياك يتوالف

لعبتي من ورا قلبي .. و فضح لعبك شديد الباس
و اذا غمضت انا في يوم .. ترى رب الملا شايف


منقول من روائع الشاعر
ساقي الشوق ( فهد معتوق )
*
*
*

تحيــــاتي